“Ne zbatojmë politika, nuk merremi me thashetheme,” tha kryeministri Rosen Zheljazkov gjatë hapjes së mbledhjes së qeverisë. Ai u bëri thirrje deputetëve që të rivendosin funksionimin normal të bashkëpunimit ndërinstitucional, siç përcaktohet nga kushtetuta. Sipas kryeministrit, po vërehet një paqëndrueshmëri në ekuilibrin mes institucioneve. “Kjo nuk lejon formimin e organeve që lidhen me mbrojtjen e sigurisë kombëtare dhe shërbimit diplomatik. Kjo është një precedent mjaft i rrezikshëm, sepse ekuilibri i përcaktuar nga fryma e Kushtetutës dhe ligjeve jo vetëm që është dëmtuar, por është paralizuar”, theksoi Zheljazkov, pa përmendur institucionin e presidentit.

Kryeministri ftoi në mbledhje të rinjtë që morën pjesë në shuarjen e zjarrit në Sungurllare. Ai shprehu mirënjohjen e tij për përpjekjet e tyre dhe vullnetarët u duartrokitën nga ministrat.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA