Qeveria e autorizoi Ministrin e Financave për të nënshkruar me Bankën Evropiane të Investimeve një marrëveshje për një hua të garantuar shtetërore për ndërtimin e lidhjes mes sistemeve kombëtare të Bullgarisë dhe të Greqisë për shpërndarjen e gazit. Investimet e parashikuara në projekt kapin shumën 240 mln euro pa TVSH-në. Lidhja do të ketë një rol strategjik për arritjen e një diversifikimi real të burimeve për furnizim të gazit natyror për Bullgarinë dhe Evropën Juglindore. Si pjesë e zhvillimit të Korridorit Jugor të Gazit lidhja do t’u sigurojë Bullgarisë dhe vendeve të tjera fqinje akses tek furnizimet alternative nga Regjioni Kaspik, si dhe te terminalet e tanishme dhe të ardhshme për gaz të lëngëzuar natyror.