Zëvendëskryeministrja dhe Ministre e Punëve të Jashtme Ekaterina Zaharieva shqyrtoi perspektivën evropiane të Republikës së Maqedonisë së Veriut me homologun e saj maqedonas Nikola Dimitrov. Të dy biseduan në Helsinki në takimin joformal të diplomatëve të parë të BE-së me homologët e tyre  nga gjashtë shtetet e Ballkanit Perëndimor. “Bullgaria përkrah pa ndërprerje integrimin evropian dhe euroatlantik të Maqedonisë së Veriut dhe mendon se duhet të fillojnë negociata për aderimin me BE-në”, nënvizoi Zaharieva. Para kësaj ajo zhvilloi një takim me Ministrin grek të Punëve të Jashtme Nikos Dendias. Ata konstatuan se marrëdhëniet tona dypalëshe janë të një niveli të shkëlqyeshëm. U nënvizua aktiviteti i lartë ekonomik mes firmave bullgare dhe atyre greke. Në vitin 2018 këmbimi i mallrave midis Bullgarisë dhe Greqisë është rritur me 7.8 për qind në krahasim me vitin 2017 dhe është me përmasë 3.3 mlrd euro. Greqia është në vendin e pestë në eksportin tonë pas Gjermanisë, Italisë, Rumanisë dhe Turqisë.