Ministrat e punëve të jashtme të Bullgarisë dhe Palestinës Ekaterina Zaharieva dhe Riyad Maliki diskutuan në Sofje marrëdhëniet dypalëshe dhe çështjet e rendit ndërkombëtar të ditës.

Zaharieva komentoi pas bisedimeve se vizitat e vitit të kaluar të kryeministrit dhe presidentit të Bullgarisë në Palestinë dëshmojnë për këtë se dialogu politik dypalësh është duke u thelluar.

Duke shprehur shqetësime për shkak të mungesës së përparimit në procesin e paqes në Lindjen e Mesme dhe për shkak të keqësimit të situatës në Rripin e Gazës, Zaharieva nënvizoi se për të arritur zgjidhje konkrete ka nevojë për bisedime të drejtpërdrejta ndërmjet Izraelit dhe Palestinës. Sofja shpreson se marrëveshjet ndërkombëtare të arritura në Oslo dhe në Paris mbi këtë temë do të zbatohen edhe në të ardhmen.