Në lidhje me pyetjen e Jurij Borisovit – sekretar i lëvizjes “Filorusët”, nga ana e organeve të rendit publik dhe me akuzat e ngritura për spiunim ndaj kryetarit të lëvizjes “Filorusët” Nikollaj Malinov, Ambasada e Shteteve të Bashkuara të Amerikës tek ne deklaroi se është në dijeni me hetimet e organeve bullgare të drejtësisë.

SHBA-ja i përkrah plotësisht përpjekjet e Bullgarisë ta mbrojë sovranitetin e saj nga ndikimet dashakeqe, thuhet gjithashtu në deklaratën e Ambasadës. Disa orë para shprehjes së opinionit të këtij institucioni, Prokurori i Përgjithshëm i Bullgarisë Sotir Cacarov njoftoi se Prokuroria po zhvillon hetim për krim kundër Republikës dhe për veprime të një shtetasi bullgar në favor të një shteti të huaj.