Lidhur me ashtuquajturin “skandal të spiunimit”, në të cilin kryetari i lëvizjes “Filorusët” në Bullgari ishte akuzuar për spiunim në favor të Rusisë, Zv.Kryeministri dhe Ministri i mbrojtjes Krasimir Karakaçanov deklaroi se kundërinteligjenca bullgare i ndjek të gjitha përpjekjet e faktorëve të huaj, pavarësisht a bëhet fjalë për shtete apo për subjekte të tjera, të cilat synojnë ndërhyrje në politikën e brendshme të vendit.

Supozohet se veprimtari të tillë po zhvillon Rusia, e cila për shkak të tensionit në Detin e Zi, Krime, etj., aktualisht është shumë aktive në të gjithë Gadishullin Ballkanik. Por ka edhe shtete të tjera, të cilat kryejnë veprimtari të inteligjencës tek ne, duke përfshirë këtu partnerë të Bullgarisë, të cilët presin përkrahje nga Sofja për aderimin e tyre në BE dhe në NATO.