Anija rumune shkencore dhe kërkimore “Mare Nigrum” po zhvillon një ekspeditë oqeanografike në ujërat territoriale bullgare të Detit të Zi. Iniciativa është një pjesë nga projekti ndërkombëtar, qëllimi i të cilit është vlerësimi i gjendjes së ekosistemit të Detit të Zi, të ndikuar nga veprimtaria njerëzore dhe përpunimi i metodave, të cilat do të lejojnë grumbullimin e të dhënave të reja për mjedisin detar. Një detyrë tjetër e projektit është të përmirësojë koordinimin dhe bashkëveprimet për mbrojtjen e mjedisit dhe për pastrimin e mbetjeve në Detin e Zi. Pjesëmarrës në të janë përfaqësues të Bullgarisë, Rumanisë, Ukrainës dhe Turqisë, kurse periudha e studimeve është nga data 27 shtator deri më 6 tetor.