Bullgaria do të jetë mikpritëse e një takimi në kuadrin e procesit “Akaba” gjatë vitit 2020. Kjo u bë e qartë pas takimit të Kryeministrit bullgar Bojko Borisov dhe Mbretit të Jordanisë Abdullah II në Aman. Procesi “Akaba” është iniciativë e Amanit për koordinim ndërkombëtar të kundërvënies së terrorizmit. Deri tani mikpritës të forumit kanë qenë Jordania, Shqipëria dhe Holanda.

Mbi 1,2 miliona migrantë ka në territorin e Jordanisë dhe Borisovi u angazhua ta shtrojë këtë problem para Bashkimit Evropian.

“Vlerësojmë lartë rolin e Jordanisë si “ishull i qëndrueshmërisë” në regjion dhe politikën e saj të jashtme balancuese”, shtoi Kryeministri bullgar. Në takim ishte shprehur dëshira e përbashkët për zgjerimin e marrëdhënieve të dobishme ndërmjet Bullgarisë dhe Jordanisë në fushën e mbrojtjes.