Pritet se një pjesë e infermierëve që po protestojnë në çadra para godinës së Ministrisë së Shëndetësisë, do të takohen me Мinistrin e shëndetësisë Kirill Ananiev. Në takim ai do të njihet me kërkesat e tyre për paga më të larta, për kushte më të mira të punës dhe për ndryshime legjislative në sektor.

Në intervistë për Radion Kombëtare Bullgare Elena Toneva, përfaqësuesja e protestuesve, deklaroi se ata insistojnë për ndryshim të plotë të mënyrës së funksionimit të sistemit të shëndetësisë. “Aktualisht në shëndetësi parimi është: sa shumë njerëz të sëmurë, aq më shumë para për paga”. Ky model është i keq – edhe për ne, edhe për pacientët. Sepse e prish moralin tonë dhe shëndetin e pacientëve. Tashmë duhet të flasim për profilaksi” – është e mendimit Toneva.

Protestat e infermierëve filluan në fund të shtatorit.

Pas një takimi në vazhdim të katër orëve me specialistët mjekësorë që po protestojnë Ministri i Shëndetësisë Kirill Ananiev premtoi se në kuadrin e një muaji do të propozojë masa konkrete për kënaqjen e kërkesave të tyre, kryesorja prej të cilave është rritja e pagave.