Një film bullgar u bë pretendues në kategorinë e filmave të vizatuar me metrazh të shkurtër të çmimeve “Oskar”. Filmi 5 minutash me titull “Detyrat e ditës” me regji të Petja Zllateva ishte prezantuar për herë të parë në edicionin e 16-të të festivalit ndërkombëtar për filma me metrazh të shkurtër “In the Palace“ në qytetin Varna.

“Mënyrat që një film të mund të kualifikohet për çmimet e Akademisë Amerikane të Filmit janë dy – shpërndarje komerciale në territorin e Shteteve të Bashkuara, ose çmim nga ndonjë festival prestigjioz – tregon producentja e filmit Vesella Dançeva. Forumi Ndërkombëtar “In the palace” ka që prej disa vjetëve kualifikimin e duhur, gjë që doli se është një shans i madh për një film bullgar të bërë me financim bullgar nga një autor yni.”

Filmi ”Detyrat e ditës” është pjesë nga projekti “ Vija dhe vjersha” në të cilin regjisorët zgjedhin vjersha të ndryshme dhe i rikrijojnë në filma vizatimorë me metrazh të shkurtër. Pjesa e parë është kaq e suksesshme, saqë vendosin të vazhdojnë me autorë krejtësisht të rinj si dhe me krijime të reja. Një prej tyre është filmi i Petja Zllatevës “Detyrat e ditës”, të krijuar në bazë të vjershave të Stefan Ivanovit. Historia është lidhur me  detyrat e vogla të përditshme të heroinës kryesore, në të cilat ajo zbulon një largim nga vetmia. Një frymëzim i jep regjisores “ritmi i shpejt, veprimet, të cilat të çojnë deri në një pandryshueshmëri absolute, ndjenja për trishtim dhe një kotësi në poezi”. Animacion klasik, punimi i të cilit kushton më shumë se 1 vit.

Jo rastësisht Petja Zllateva zgjedh që t'i pasqyrojë personazhet nga poema si kafshë:  

“U bë fare e natyrshme por, sepse mua nuk më pëlqen të pikturoj vetëm njerëz – thotë Petja Zllateva. Duke pikturuar një njeri ti e vendos atë në mënyrë vizuale në ndonjë farë kufiri. Doja që mosha e heroinës kryesore të mbetet në një diapazon të gjerë, me qenë se në vetë poemën në asnjë vend nuk sqarohet se cila është ajo. E përdorëm tekstin si një bazë për ndërtimin dhe formimin e mëtejshëm të skenarit. Më vonë kuptohet se cilët janë këto fantazma dhe përse janë aty.

Fantazmat, për të cilat flitet në vjershë sipas meje janë më tepër një paraqitje e dëshirave të heroinës – shton Vesella Dançeva. Në kërkimin e ritmit të saktë këmbyem kronologjinë e disa prej skenave. Në vjershë momenti me furçat e dhëmbëve, të cilat pakësohen një nga një është në fund, kurse tek Petja filmi fillon me larjen e dhëmbëve dhe shikojmë se furça është vetëm një. Kjo skenë menjëherë tregon sesa e vetmuar është heroina dhe se miqtë të cilët ajo i qeras në fakt janë një pasqyrim i dëshirës së saj për të jetuar, të angazhuar me fëmijë dhe njerëz të dashur”.

“Dhe pavarësisht se në “Detyrat e ditës” tema bazë është vetmia, në final në vetëdijen tonë vazhdon të tingëllojë e qeshura e heroinës kryesore, e interpretuar nga aktorja Emilija Kllajn në gjuhët bullgare dhe angleze. Nëse ajo tallet me vetminë ose e ironizon veten e saj, kjo është çështje e interpretimit personal. Ekipi i filmit i është besuar “Big Banda Soundscapers” për soundtrack-un e filmit, ku merita më e madhe për muzikën në “Detyrat e ditës”është ajo e kompozitorit Aleksandër Evtimov. Me qenë se ky është një projekt krejtësisht i ri, tani e tutje do të fillojë jeta e tij nëpër festivale, kurse Petja Zllateva dhe Vesella Dançeva planifikojnë ta tregojnë nëpër të gjitha festivalet bullgare për animacion me metrazh të shkurtër.

Përgatiti në shqip: Nataniela Vasileva