Sot në Bullgari është ditë reflektimi para raundit të dytë të zgjedhjeve vendore, i cili do të zhvillohet më 3 nëntor. 24 orë para votimit dhe në vetë ditën e votimit sipas ligjit në Bullgari është ndaluar agjitimi apo ofrimi i informacionit në lidhje me prognozat për epilogun e zgjedhjeve. Sipas ligjvënësit qëllimi i këtij ndalimi është që votuesit të bëjnë një pushim nga fushata e gjatë zgjedhore dhe më në fund të marrin vendim se për cilin kandidat do të japin votën e tyre.

Prej vitesh në vend diskutohet varianti për ndryshimin e kësaj praktike. Ata që mendojnë se ndalimi duhet të hiqet argumentohen me këtë se ai nuk është parashikuar në Kushtetutë. Përveç kësaj kohët e fundit interneti dhe rrjetet sociale në fakt e bëjnë të panevojshëm këtë ndalim, sepse agjitimi në ditën e zgjedhjeve nuk mund të kontrollohet.

Pavarësisht nga debatet, tani për tani kufizimet mbeten në përputhje me mendimin e Gjykatës Kushtetuese të vitit 1997, sipas të cilit zhvillimi i agjitacionit në 24 orët para votimit do të ishte një shkelje e palejueshme që do të ishte në dëm të formimit të vullnetit të lirë të votuesit.

Në ditën e reflektimit para raundit të parë të zgjedhjeve lokale të 27 tetorit nuk ishin konstatuar shkelje të konsiderueshme të rregullave. Autoritetet presin se situata do të jetë e tillë edhe tani.