Shpenzimet mujore për një familje katër anëtareshe (prej dy të rriturve dhe dy fëmijëve) në Bullgari janë 1264 euro. Kjo do të thotë se një person ka nevojë për mesatarisht 316 euro – këtë e tregojnë të dhënat e Institutit për Studime Sociale dhe Sindikale pranë Konfederatës së Sindikatave të Pavarura në Bullgari për tremujorin e tretë të vitit 2019.

Si zakonisht shpenzimet e kryeqytetasve janë më të larta në krahasim me ato mesatare për vendin dhe janë 417 euro për person, d.m.th. 1666 euro për familje me katër anëtarë.

Sipas sindikatës 72,5% prej familjeve në Bullgari jetojnë me të ardhura më të ulëta sesa janë mjetet e nevojshme sipas kësaj statistike.