Me kërkesë paraprake të grupit të Partisë Popullore Evropiane dhe me mbështetjen e të gjithë eurodeputetëve bullgarë, raportuesi Tomas Vajç (Thomas Weitz) kërkoi dhe mori në Komitetin e Punëve të Jashtme të Parlamentit Evropian shtyrjen e votimit mbi raportin vjetor të përparimit të Maqedonisë së Veriut, njoftoi korrespondentja e BNR-së në Bruksel Angelina Piskova.

Në një letër drejtuar kolegëve të tyre, eurodeputetët bullgarë shprehën dyshime për integritetin e tij dhe raportuan parregullsi, duke përfshirë rrjedhje të paautorizuar dhe të parakohshme të informacionit të brendshëm parlamentar. Si një shembull tregohet deklarata e kryeministrit të Maqedonisë së Veriut, Hristijan Mickoski, më 1 qershor, se ai ishte i njohur me raportin në detaje të shkëlqyera paraprakisht. “Pretendimi i Mickoskit se qeveria e tij punoi për këtë raport për 11 muaj, së bashku me raportuesin, për të arritur një rezultat kaq pozitiv për ta është shqetësues”, theksojnë eurodeputetët bullgarë.

Përveç shtyrjes së votimit mbi raportin, eurodeputetët po kërkojnë që parlamenti të kryejë një hetim të brendshëm për një shkelje të mundshme të procedurave të brendshme për të përcaktuar burimin dhe fushëveprimin e rrjedhjes së informacionit.

Lexoni më shumë mbi temën postimin e mëposhtëm:

• Tronditje të reja në boshtin Sofje-Shkup: a do të ketë sukses Bullgaria në mbrojtjen e interesave të saj në Parlamentin Evropian?

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: Parlamenti Evropian