Ministri i ekonomisë Emill Karanikollov hapi në Sofje një forum me temë “Bullgaria – mjedis investues”. Në të marrin pjesë më se 150 përfaqësues të firmave nga Turqia. Afro 1 miliard euro janë investimet turke në Bullgari. Vetëm për gjysmën e parë të këtij viti kompani turke investuan 23 milion euro në vend. Forumi është pjesë e vizitës së përfaqësuesve të Këshillit Botëror Turk të Biznesit (DTiK) në Bullgari dhe të biznesmenëve nga fushat e makinë ndërtimit, transportit e logjistikës, elektronikës, elektroteknikes, turizmit etj. Ministër Karanikollov tregoi përparësitë e Bullgarisë si destinacion investues dhe theksoi se vitet e fundit ajo shënon një rritje të qëndrueshme ekonomike. Ministri shtoi, se vendi ynë është lider në regjion për nga stabiliteti financiar, zhvillimi makroekonomik dhe statusi i vlerësimit të kredisë.