Ambasadori serb në Sofje ndoshta do të thirret në Ministrinë e Punëve të Jashtme, për të dhënë shpjegime për deklaratat e Beogradit me akuza për spiunim kundër Bullgarisë, tha Ministrja Ekaterina Zaharieva. Fola me ambasadorin tonë në Beograd Radko Vllajkov. Ndoshta do të kërkojmë shpjegime nga Ambasadori serb, tha Zaharieva. Ajo i kujtoi Beogradit se Bullgaria është ndër mbështetësit më të mëdhenj të integrimit evropian të Serbisë.

Pas mbledhjes së Këshillit serb për Sigurinë Kombëtare Presidenti Aleksandër Vuçiç deklaroi se emisarët e inteligjencave austriake, gjermane dhe bullgare nuk do të kenë akses në informacionet e rëndësishme për rajonin e Rashkës, afër kufirit me Kosovë dhe Malin e Zi.