Ekspertë në lëmin e lëndëve djegëse bërthamore dhe të mineraleve nga Departamenti Shtetëror dhe Departamenti i Energjetikës i SHBA-së janë për vizitë në Bullgari. Në krye të delegacionit është ndihmës-sekretarja e shtetit Ann Ganzer. Në takimin mes Presidentit amerikan Donald Trump dhe Kryeministrit bullgar Bojko Borisov të dy u morën vesh që SHBA-ja të dërgojë një ekip teknik, i cili bashkë me ekspertët bullgarë të studiojë mundësitë për bashkëpunim në fusha të ndryshme të energjetikës. Fakti se ekipi mbërriti kaq shpejt pas takimit në Shtëpinë e Bardhë, është shenjë për angazhimin tonë ndaj Kornizës për Partneritet Strategjik mes dy vendeve tona dhe për dëshirën tonë për ta ndihmuar Bullgarinë që të bëhet ajo një qendër energjetike, tha zëvendës ambasadori Justin Friedman. Në programin e vizitës nga 8 deri në 13 dhjetor janë përfshirë vizita në Kozlloduj, Belene dhe në ndërmarrjen “Marica Iztok”.