Lëvizja për Rinovimin e Regjioneve dhe Bashkive Bullgare, Agjencia Shtetërore për Bullgarët Jashtë Shtetit dhe rrjeti i parë global biznesi i diasporës bullgare organizojnë në Sofje konferencë me temë “Bullgarët me suksese jashtë shtetit – për kauzën Bullgari”. Në të do të marrin pjesë më se 50 bullgarë nga mbarë bota të cilët kanë arritur suksese në fushën që punojnë. Në një intervistë për Radion Kombëtare Bullgare kryetari i Lëvizjes për Rinovimin Svetosllav Spasov tha, se jashtë shtetit jetojnë më se 2 milion bullgarë, të cilët janë investitorët më të mëdhenj në Bullgari duke dërguar pjesë prej të ardhurve të afërmit ose duke investuar në pronë të patundshme. Ato mjete përbejnë afro 2.5 – 3 për qind nga produkti i brendshëm bruto i vendit dhe ndihmojnë të ardhurat e 300 mijë personave në Bullgari. Svetosllav Spasovi shprehu mendim, se nuk do të jetë i madh numri i bullgarëve të cilët do të kthehen në atdhe.