Prokuroria po heton veprimtarinë e Bashkimit Kombëtar Bullgar. Ai është organizatori i paradës nacionaliste “Llukov Marsh” që zhvillohet më 22 shkurt dhe është ndaluar me urdhër të kryetares së Bashkisë së Kryeqytetit.

Hetimi është nisur në lidhje me një krim të kryer me karakter të përbashkët dhe do të kontrollojë në se respektohen dispozitat e Ligjit për partitë politike.

“Llukov Marsh” është paradë për nder të kujtimit të gjeneralit Hristo Llukov, lider i një organizate fashiste në Bullgari gjatë kohës së Luftës së dytë Botërore.

Personaliteti i gjeneralit është kontradiktor dhe vitet e fundit parada e tij përkujtimore mbledh neonazistë nga e gjithë Evropa. Shumë organizata joqeveritare bullgare dhe media botërore protestojnë kundër kësaj ngjarjeje, duke e cilësuar si shfaqje e ekstremizmit të skajshëm.