Kompania amerikane Westinghouse Electric Company nënshkroi marrëveshje për modernizimin e centralit atomik elektrik “Kozloduy”.

Westinghouse bëri të ditur se pas punës së saj mbi sistemet e informacionit dhe të kontrollit të blloqeve të 5-të dhe të 6-të të centralit bërthamor, ato do të punojnë  sipas standardeve më të reja të paktën akoma 30 vjet – d.m.th. deri më 2049. Kjo do të sigurojë konkurrueshmëri më të madhe dhe efikasitet në mënyrën e punës së reaktorëve.

Digjitalizimi dhe modernizimi i pajisjes bërthamore është një element kyç prej operacioneve afatgjata të klientit tonë dhe prandaj është prioritet strategjik për Westinghouse, tha presidenti i kompanisë për Evropë Tarik Choho.

Ai kujtoi se me centralin atomik “Kozloduy” Westinghouse punon tashmë 15 vjet. Vlera e marrëveshjes së saponënshkruar është 32 miliona euro.