Autoritetet bullgare të shëndetësisë po ndjekin gjendjen e dy bullgareve, të cilat sapo janë kthyer nga Kina dhe Tajlanda. Ato ndodhen në reparte spitalore të sëmundjeve infektive me simptoma, të cilat i ngjajnë virusit. Janë bërë analiza për të evidentuar llojin e virusit dhe më konkretisht për të sqaruar në se bëhet fjalë për koronavirusin  2019-nCoV.

Një burrë, i cili gjithashtu ka udhëtuar në Kinë gjithashtu ndodhet në spital, informoi Ministri i shëndetësisë Krill Ananiev. Të tre nuk kanë shenja specifike të koronavirusit.

Tashmë ka organizim dhe janë dhënë udhëzime për veprime në rast të dyshimeve për njerëz të infektuar me virusin e ri, shpjegoi Ministri. Po punon dhe një grup ndërinstitucional pune, në të cilin ka përfaqësues të të gjitha autoriteteve kompetente.

Aeroportet e Sofjes, Varnës dhe Burgasit do të pajisen me kamera të reja termike, të cilat do të regjistrojnë temperaturën e pasagjerëve.