Parlamenti miratoi në lexim të parë ligjin për ratifikimin e Marrëveshjes Gjithëpërfshirëse Ekonomike dhe Tregtare midis Kanadasë dhe BE-së e njohur si CETA. “Pro” votuan 110 përfaqësues popullorë, 98 ishin “kundër” dhe 7 u abstenuan. Marrëveshja në fjalë parashikon heqjen e taksave doganore, thjeshtësimin e rregullave dhe procedurave doganore. “Kundër” votuan Patriotët e Bashkuar dhe Partia Socialiste Bullgare. Ndër argumentet e tyre kundër marrëveshjes ishin rreziku nga depërtimi i produkteve të modifikuara gjenetikisht dhe mundësia nga kufizimi i sovranitetit kombëtar. Nga Konfederata e Punës “Podkrepa” u bënë thirrje deputetëve të mos ratifikojnë marrëveshjen, sepse ajo do të jetë në dëme të biznesit të vogël dhe të mesëm në Bullgari. Për të hyrë në fuqi marrëveshjen është e domosdoshme që projektligji për ratifikimin e saj të votohet edhe në lexim të dytë.