Deputetët e Patriotëve të Bashkuar prapë e vunë në rendin e ditës propozimin që në fshatrat të krijohen reparte të vullnetarëve të cilët të ndihmojnë policinë në sigurimin e rendit. Ideja parashikon që të ketë kritere në zgjedhjen e vullnetarëve dhe ata të stërviten nga Ministria e Punëve të Brendshme, kështu që të jenë në gjendje të patrullojnë dhe të garantojnë sigurinë e rajonit përkatës. Krahas kësaj ata duhet të kenë të drejtën të bëjnë arrestime civile deri në ardhjen e policisë. Për të evituar mundësinë që njerëz të papërshtatshëm të hyjnë në ato reparte, kriteret e zgjedhjes do të jenë të rrepta. Sipas patriotëve në ato reparte mund të hyjnë ish nëpunës të Ministrisë së Punëve të Brendshme dhe anëtarë të grupeve të gjuetisë.