Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Houthët liruan ekuipazhin e anijes “Galaxy Leader”, që përfshin dy bullgarë

| rinovuar më 25-01-22 5.19.MD
Foto: EPA/BGNES

Huthët jemenas nga grupi “Ansar Allah” liruan ekuipazhin e anijes “Galaxy Leader”, të rrëmbyer në fund të vitit 2023 në Detin e Kuq, njoftoi BNT. Kapiteni dhe ndihmësi i lartë i kapitenit janë shtetas të Bullgarisë. Përveç dy bullgarëve, në ekuipazhin e anijes, e cila lundron nën flamurin bahamian, janë shtetas të Ukrainës, Filipineve, Meksikës dhe Rumanisë. Për më shumë se një vit, “Galaxy Leader” u mbajt në portin Hodeidah në pjesën e kontrolluar nga houthët e Jemenit.

Reuters njofton se ekuipazhi është nisur për në Oman. Huthët nga “Ansar Allah” njoftuan se lirimi i marinarëve të “Galaxy Leader” është pjesë e marrëveshjes së armëpushimit në Rripin e Gazës.Theksohet se lirimi u koordinua me Hamasin dhe u realizua me ndihmën e Omanit.

Autoritetet në Sana, Jemen, konfirmuan se kapiteni dhe ndihmës kapiteni i anijes “Galaxy Leader”, Ljubomir Çanev dhe Danaill Veselinov, u liruan dhe janë rrugës për në Muskat, Oman. Këtë e njoftoi në faqet e saj në Facebook eurodeputetja Elena Jonçeva, e cila ndodhet në Muscat dhe i pret. Jonçeva thekson se sonte atje do të arrijë një delegacion bullgar i kryesuar nga ministri i jashtëm Georg Georgiev. Në shtator, Jonçeva vizitoi Jemenin dhe arriti të takohej me bullgarët e rrëmbyer dhe të zhvillojë bisedime me autoritetet në Sana.

Ministria e Punëve të Jashtme njoftoi se me urdhër të kryeministrit Rosen Zheljazkov u dërgua një aeroplan qeveritar për të kthyer bullgarët e liruar në Bullgari.

Më shumë mbi temën mund të lexoni në botimet e mëposhtme:




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 7 gushtin 2025

Të enjten , temperaturat minimale do të jenë nga 14 deri në 22°C, në Sofje – 14°C. Gjatë ditës do të mbizotërojë mot kryesisht me diell, me shtim të përkohshëm të vranësirave. Në disa zona, kryesisht në rajonet malore, priten reshje të shkurtra..

botuar më 25-08-06 7.35.MD

Kisha e vetme prej druri në Bullgari kremtoi festën e saj

Kisha “Shpërfytyrimi i Zotit” në kompleksin turistik Borovec (në malin Rilla) - kisha e vetme prej druri në Bullgari – kremtoi sot festën e saj. Një liturgji hyjnore episkopale u kremtua nga Peshkopi Gerasim i Mellnikut, sekretar i Sinodit të..

botuar më 25-08-06 6.37.MD

“Po e Vazhdojmë Ndryshimin" fillon një peticion "Bullgaria nuk shitet"

"Po e Vazhdojmë Ndryshimin" (PP) po fillon një peticion kundër shitjes së mbi 4400 pronave shtetërore nga qeveria, raportoi qendra e shtypit e partisë, e cituar nga BTA. Peticioni është nën moton "Bullgaria nuk shitet!". Partia thekson se para pushimit..

botuar më 25-08-06 5.57.MD