Më 8 dhe 9 shkurt 210 skermistë nga 39 shtete do të garojnë në Plovdiv për vendet e para në turneun “Shpata e Asparuhut”, i cili siguron pjesëmarrje në Kupën Botërore tek meshkujt dhe femrat. Gara është e organizuar nga Federata Bullgare e Skermës, Ministria e Rinisë dhe Sportit dhe Lotoja Bullgare.

Për pjesëmarrje tek meshkujt janë regjistruar 111 skermistë nga 23 shtete. Ndër ta janë bullgarët Todor Stojçev (mbajtës i Kupës komplekse Evropiane për kadetë për stinën 2019-2020) dhe Galin Genov (i 28-i në ranglistën për Kupën Botërore). Gara te meshkujt do të jetë shumë e vështirë, sepse dy prej kombeve më të forta në skermë – Italia dhe SHBA-ja – mbërrijnë në Plovdiv me disa nga 20 skermistët e parë të Kupës Botërore.

Shpresa bullgare është Joana Ilieva – 18 vjeçe, e cila është e dyta në klasifikimin e përkohshëm për Kupën Botërore te gratë në moshën deri më 20 vjeç, ndersa vitin e kaluar fitoi çmimin e turneut në Plovdiv.