Shoqatat e biznesit në Bullgari kërkojnë dorëheqje në Holdingun Energjetik Bullgar, Termocentralin “Marica-Iztok 2” dhe Bursën Energjetike për shkak të çmimeve të larta të korrentit në tregun e lirë.

Energjia elektrike për industrinë në Bullgari është më e shtrenjta në Evropë, pohojnë përfaqësuesit e biznesit. “Çmimet e korrentit për nevojat industriale janë midis 20% dhe 50% më të larta në krahasim me ato për konkurrentët tonë evropianë. Arsyeja për këtë është menaxhimi i keq që nuk i respekton parimet tregtare dhe korrupsioni në sferën e energjetikës”, pohuan drejtorët e katër organizatave.

Në një letër të hapur sindikatat përkrahën politikën shtetërore të mbrojtjes së Termocentralit “Marica-Iztok 2” dhe akuzuan sipërmarrësit se i prezantojnë faktet dhe çmimet në mënyrë jo të drejtë dhe manipulative.