Janë të domosdoshme hapa të menjëhershëm diplomatik për ndërprerjen e fluksit të migrantëve. Këtë e konstatuan në një bisedë telefonike kryeministri Bojko Borisov dhe homologu i tij grek Kiriakos Micotakis. Sipas zotit Borisov duhet një zgjidhje afatgjate të problemit me migrantët, krizën humanitare dhe luftën në Siri. Para takimit të tij më 2 mars me presidentin turk Rexhep Erdogan në Ankara, kryeministri Borisov bisedoi në telefon edhe me kancelarët e Gjermanisë dhe Austrisë – zonjën Angela Merkel dhe zotin Sebastian Kurz si dhe me presidenten e Komisionit Evropian Ursula Gertrud von der Leyen. Zoti Borisov nguli këmbë që Turqia të marrë ndihmë nga BE në përballimin e krizës me migrantët. Presidenti francez Emmanuel Macron  në Twitter shprehu solidaritet dhe përkrahje të fortë për Greqinë dhe Bullgarinë në krizën në kufijtë e të dy shteteve me Turqinë.