Në pritjen e organizuar nga Ambasada bullgare në Prishtinë me rastin e Ditës së Çlirimit Bullgar ishin të pranishëm 200 mysafirë, ndër të cilët kryeministri Albin Kurti, ish-kryeministri Ramush Haradinaj, ish-presidentët Atifete Jahjaga dhe Fatmir Sejdiu, shefi i diplomacisë Glauk Konjufca, udhëheqësit e misioneve diplomatike në Prishtinë, përfaqësuesja e BE-së në Kosovë Natalija Apostollova, përfaqësues të institucioneve shtetërore, gazetarë, njerëz të kulturës, përfaqësues të pakicave kombëtare (goranët, turqit, boshnjakët, romët), të organizatave të hebrenjve, ushtarë nga kontingjenti bullgar në KFOR dhe bullgarë-nëpunës në EULEX, OSCE dhe UNMIK.

Në fjalimin e vet para të pranishmëve ambasadori bullgar Hristo Guxhev nënvizoi marrëdhëniet e mira ndërmjet Bullgarisë dhe Kosovës, përkrahjen e vendit tonë për integrimin evropian të vendeve të Ballkanit Perëndimor dhe për liberalizimin e vizave për shtetasit e Kosovës.

“Jemi të bindur që Qeveria e re e Kosovës do të rrisë komunikimin dhe bashkëpunimin në nivelin bilateral dhe multilateral, dhe do të punojë për të krijuar kushte më të mira të jetesës për qytetarët e saj duke përfshirë garancinë për edukim dhe profesionalizimin për të rinjtë. Kosova duhet të vazhdojë me reformat pasi qytetarët e saj meritojnë të jetojnë në kushte ku ligji, demokracia dhe prosperiteti janë të garantuara”, u shpreh diplomati Gudjev.

Mysafirët morën verojka bullgare, pinë verë të prodhuar në Bullgari dhe vallëzuan valle popullore në shoqërim të muzikës sonë tradicionale.