Zëvendës kryeministrja dhe ministre e punëve të jashtme Ekaterina Zaharieva u bëri thirrje 6 vendeve të Ballkanit Perëndimor të cilët synojnë drejt anëtarësisë në BE-në të shikojnë përpara për të krijuar të ardhmen e përbashkët. “Të jesh pjesë e BE-së do të thotë se duhet të punosh për interesat dhe për të ardhmen e përbashkët, jo të mendoshpër interesat kombëtare”, tha zonja Zaharieva në forumin “Stimulimi i autonomisë strategjike. Kontributi i Ballkanit Perëndimor për të ardhmen e përbashkët evropiane”. Kjo veprimtari ishte pjesë e Takimit të Ministrave të Jashtëm të Procesit të Berlinit në Shkup. Ministrja Zaharieva shprehu shpresë, se gjatë marsit Këshilli i Evropës do të marrë vendim për hapjen e negociatave me Maqedoninë e Veriut dhe Shqipërinë.