Për shkak të krizës me koronavirusin do të shtyhet afati për parashtrimin e ofertave për investitor strategjik për centralin atomik elektrik “Belene”, tha para Radios Kombëtare Bullgare Ministrja e energjetikës Temenuzhka Petkova. Pesë kompanitë, të cilat kanë treguar interes të dorëzojnë ofertë me karakter detyrues, vazhdojnë të interesohen për projektin.

Projektet e gazit “Rryma Ballkanike” dhe interkonektori Greqi-Bullgari vazhdojnë të zhvillohen sipas afateve të përcaktuara.

Sipas Ministres Petkova Bashkimi Evropian nuk do të heqë dorë nga qëllimi përfundimtar – të bëhet lider në luftimin e ndryshimeve klimatike. Në lidhje me këtë politikë Bullgaria e ka pozitën e vet – kornizë, e cila është prezantuar para Brukselit.

Termocentralet, të cilat punojnë me qymyr, do të vazhdojnë të jenë të rëndësishme për ekonominë bullgare. Petkova shpjegoi se nuk ka pasur vërejtje nga ana e Komisionit Evropian për to, vetëm kemi marrë rekomandime për rritjen e pjesës së burimeve të ripërtërishme energjetike nga 25% deri në 27%.