Në brifingun mëngjesor të datës 16 prill Shtabi Operativ Kombëtar njoftoi për 48 raste të Covid-19 të zbuluara gjatë 24 orëve të fundit në Bullgari. 27 prej të infektuarve u vendosën në spital. Në krahasim me ditën e mëparshme kur rastet e reja ishin 40, rritja është me 6.5 për qind. Kështu numri i përgjithshëm i të regjistruarve bëhet 783. Prej tyre 218 janë në spital. Në Sofje rastet e reja janë 32. Kështu Sofja dallohet si vatra më intensive të COVID-19 në Bullgari. Në qytetin Smolajn u zbuluan 7 raste, në qytetet Kjustendill, Sliven, Pllovdiv, Kërxhali, Burgas, Vidin, Gabrovo, Veliko Tërnovo, Dobriç nga 1.

Të vdekurit janë 37, ndërsa të shëruarit 122.

Shefi i Shtabi Operativ Kombëtar Vencisllav Mutafçijski u bëri thirrje shtetasve të mos udhëtojnë gjatë festave që të mos provokojnë një bum të ri të sëmundjes në mbarë vendin.