Prindërit dhe sindikatat janë kundër idesë për kthimin e nxënësve në shkollë para përfundimit të vitit shkollor. Një mundësi të tillë përmendi Kryeministri Bojko Borisov për nxënësit e klasave të 7-të dhe të 12-të , të cilët do të kenë provime dhe në bazë të notave prej këtyre provimeve ata do të konkurrohen për vendet e parapëlqyera prej tyre në shkollat e mesme dhe të larta.

Në një peticion me nënshkrime të mbledhura të qytetarëve thuhet se në shkollë është e pamundshme që të respektohen masat e lidhura me distancën fizike në kohën e epidemisë. Sindikata “Arsimi” pranë Konfederatës së Punës “Podkrepa” (Mbështetje) kërkon që viti shkollor të përfundojë në kushtet e mësimdhënies në distancë. Në peticion paralajmërohet se shumë mësues do të refuzojnë të jenë mbikëqyrës në provimet shtetërore të nxënësve të klasave të 7-të dhe të 12-të sepse janë në moshë mbi 55 vjeç dhe hyjnë në grupmoshën e rrezikuar nga koronavirusi.