Gjatë 24 orëve të fundit janë regjistruar 26 raste të reja të koronavirusit në vend, me të cilat numri i të infektuarve të konfirmuar bëhet 1981. Këtë e tregojnë të dhënat e Shtabit Operativ Kombëtar. Të prekurit e rinj janë nga Sofja – 16 veta, nga Pleveni dhe Razgradi – nga 3 veta, Bllagoevgradi – 2, Vidini dhe Pazarxhiku – nga 1 veta.

Ndër personelit mjekësor ka 5 të rinj të infektuar, 4 prej tyre  - në spitalin e kryeqytetit “Pirogov” dhe 1 në Pazarxhik. Me ta numri i përbashkët i punonjësve mjekësorë të infektuar është 214.

Të hospitalizuarit me Covid-19  janë 385 persona, 58 prej tyre ndodhen në reparte dhe klinika të mjekimit intensiv.

Gjatë 24 orëve të fundit 1 njeri me koronavirus ka vdekur – bëhet fjalë për një burrë 72-vjeçar nga qarku i Silistrës me sëmundje të tjera shoqëruese. Ai është shtetas i Britanisë së Madhe, i cili ka jetuar tek ne. Me të numri i të vdekurve me diagnozë Covid-19  bëhet 91. Të shëruarit janë 461.