Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

E mërkura – dita për muzikë në Kopshtin e Borisit në Sofje

Foto: Facebook e Orkestrës Frymore të Sofjes

“Ishulli i Muzikës” është një nga aktivitetet më kolorite verore, interesante si për profesionistët, ashtu dhe për adhuruesit e muzikës.

Edicioni i 11 i festivalit fillon më 1 korrik dhe do të vazhdojë deri në fund të gushtit. “Jam e lumtur se arritëm të përgatitim një program në të vërtetë interesant, në të cilin u përfshinë edhe emra të njohur, edhe muzikantë të rinj, të cilët tashmë kanë fituar popullaritet” – thotë Lilija Tosheva, drejtoreshë e Institutit Kulturor Bashkiak Shtëpia e Kulturës “Sredec” – organizatore e aktivitetit, bashkë me degën “Kultura” pranë Bashkisë së Kryeqytetit.  

Koncertet do të zhvillohen çdo të mërkurë nga ora 19.30 në skenën verore të Kopshtit të Borisit.Në rast se kushtet meteorologjike nuk e lejojnë do të mbahen në Largo-n” e kryeqytetit.Hyrja është falas, por edhe publiku, edhe interpretuesit duhet të respektojnë kërkesat për distancë fizike dhe të gjitha masat e tjera të shpallura nga Ministria e Shëndetësisë.

Fillojmë me një koncert të Projektit Y Jazz – muzikantë të rinj, të cilët do të interpretojnë melodi të njohura nga shekulli i kaluar. Ndër ta është dhe këngëtarja Veleka Cankova – po vazhdon zonja Tosheva. – Pas kësaj është pjesëmarrja tradicionale e Orkestrës Frymore të Sofjes pranë Shtëpisë së Kulturës Iskër (më 8 korrik). Më 15 korrik ftojmë kryeqytetasit në Bankja, ku do të dëgjojnë Spectrum Vocal Band – një formacion i shkëlqyeshëm me album të vet, i cili u përhap në tregun muzikor para disa muajsh. Këngëtarja e stilit xhaz Vesella Morova, e cila është ndër “motorët” e Spectrum, do të ketë shfaqje të mërkurën tjetër, bashkë me trion Jordan Tonovski. Koncerti i fundit gjatë korrikut është i Old School Trombone.

Gjatë gushtit kemi parashikuar shfaqje të Marina Gospodinovës, një prej këngëtareve më elitare të xhazit, bashkë me kuartetin e saj, të Irene Vaskes Latino Bandës, të formacionit SoulBMol etj.

Përsëri desha të nënvizoj se sa e lumtur jam nga puna e kryer. Në këto kohëra të vështira për të gjithë që punojnë në sferën e kulturës ne arritëm të grumbullojmë në një vend muzikantë të shkëlqyer dhe do t’u propozojmë bashkëqytetarëve tanë muzikë të bukur dhe përjetime të paharrueshme.” 

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Më 24 maj, këngëtarja e njohur Lili Ivanova do të këndojë në Sallën “Olimpia” në Paris

Lili Ivanova do të këndojë për herë të dytë në sallën “Olimpia”. Koncerti parashikohet për më 24 maj 2026 dhe zhvillohet nën patronazhin e presidentit Rumen Radev, njofton ekipi i këngëtares më të madh të muzikës bullgare pop. Lili Ivanova..

botuar më 25-11-18 1.44.MD

“Pa ty” – kënga e parë e përbashkët e Grupit “Horizont” dhe këngëtares Mariana Popova

Muzikantët e Grupit “Horizont” dhe këngëtarja Mariana Popova regjistruan një këngë të përbashkët – “Pa ty”. “E njohim Marianën që nga koha kur ajo këndonte në një grup shumë të fortë “Kokomania”. Që atëherë na është bërë e preferuara jonë – me..

botuar më 25-11-18 6.10.PD

Mary Boys Band feston 30 vjetorin me një orkestër të madhe simfonike

Eventi i radhës me të cilin grupi Mary Boys Band shënon 30-vjetorin e tij është një koncert me një orkestër të madhe simfonike në sallën “Bullgaria” në Sofje më 21 nëntor. Këngëtarja në grup, Maria Mutafçieva – Mary, pranon se kjo ka qenë një..

botuar më 25-11-17 6.00.PD