Para mbledhjes së rregullt të këshillit të ministrave Kryeministri Bojko Borisov dhe Ministri i mjedisit Emill Dimitrov shkëmbyen replika të ashpra. Diskutim shkaktoi rehabilitimi i një rajoni të dëmtuar nga turistët në Parkun natyror „Rila” në kuadrin e një projekti të financuar me mjete evropiane.

Plani për rehabilitim përfshin mbulimin e shtigjeve kryesore turistike me zhavorr dhe vendosjen pranë tyre të gardheve prej druri.

Kryeministri tha se dje ka urdhëruar ndalimin e punëve mbi projektin dhe bëri thirrje që ministri të takohet me ambientalistët, të cilët kanë sinjalizuar për zhvillimin e punimeve të ndërtimit në parkun kombëtar.

Pavarësisht se objektivat mund të jenë më të mirat, ato mund të realizohen pa konfrontim me organizatat e mbrojtësve të natyrës, është i mendimit Borisovi. Nga ana e vet Ministri Dimitrov pohoi se ai është kundër përdorimit të teknikës së rëndë në parkun e mbrojtur dhe se rinovimi mund të bëhet dhe pa përdorimin e saj.