Ministrja e punëve të jashtme Ekaterina Zaharieva dhe Ministri i transportit Rosen Zhaljazkov u bënë thirrje eurodeputetëve të rishqyrtojnë me vëmendje Paketën “Mobiliteti I” gjatë sesionit të ardhshëm më 8 korrik dhe të korrigjojnë versionin e saj aktual. Tekstet e reja legjislative imponojnë kufizime dhe masa joproporcionale në BE. Letra e dërguar Parlamentit Evropian është nënshkruar nga ministrat e punëve të jashtme dhe të transportit të 8 shteteve-anëtare të BE-së – Qiproj,Estoni, Hungari, Letoni, Lituani,Maltë, Poloni dhe Rumani.

Ministrat janë shqetësuar për këtë se disa nga dispozitat e ligjit devijojnë nga objektivat e deklaruara – përmirësimi i kushteve sociale për shoferët, rregullimi i transportit automobilistik dhe përforcimi i tregut të përbashkët të BE-së. Pakata “Mobiliteti I” ka provokuar ndarje të madhe mes shteteve anëtare në Këshillin e Bashkimit Evropian dhe 9 prej tyre kanë deklaruar pozitën e tyre kategorike kundër saj. Sipas ministratve nuk është kryer vlerësim për ndikimin e dispozitave të reja në mjedis dhe për efektet në tregun e vetëm të BE-së.  

Pamundësia praktike për zbatimin e kërkesave do të përjashtojë disa nga vendet nga tregu i përbashkët dhe do të vendosë pengesa të mëdha për shtete të tjera, janë kategorikë ministrat. Ata alarmojnë se ndër pasojat e paketës së re legjislative do të jetë rritja e emetimeve të dioksidit të karbonit. Kërkesa e ministrave është në favor të sektorit, i cili është mjaft i prekur nga pandemia e Covid-19 dhe në të cilin punojnë milionë evropianë.