Njerëzit, të cilët tri ditë me radhë shprehin pozitën e tyre nën dritaret e qeverisë,  duke kërkuar dorëheqjet e Kryeministrit dhe Kryeprokurorit, do të vazhdojnë protestën dhe sot. Mbrëmë ata u mblodhën për një protestë paqësore deri në mesnatë dhe ajo përfundoi pa incidente dhe përleshje me policinë.

Në një moment madje policët hoqën mburojat e tyre, kurse të pranishmit i duartrokisnin.

“Duhet të ndalojmë poshtërimet në Bullgari, vjedhjet në shtet vazhdojnë. Dua të jetoj këtu, jo të emigroj”, shpjeguan motivet e veta njerëzit në shesh.

Gjatë kohës së mitingut Kryeministri Bojko Borisov ua drejtuar njerëzve me video në rrjetin social Facebook dhe shpalli se nuk do të japë dorëheqje. “Asgjë tjetër nuk na detyron të mbetemi në pushtet, vetëm përgjegjësia”, tha ai dhe paralajmëroi se muajt e ardhshëm do të jenë shumë të rëndë për të gjithë ne.