Koalicioni në pushtet ruan stabilitetin e tij dhe në këtë përbërje do të vazhdojë të udhëheqë shtetin deri në pranverën e vitit të ardhshëm, kur përfundon mandati. Kjo u njoftua pas mbledhjes së Këshillit të Koalicionit në pushtet GERB dhe Patriotët e Bashkuar. Pas përballimit të votës së mosbesimit ndaj qeverisë në parlament kërkuar nga e majta do të diskutohen disa ndryshime në kabinet. Kryeministri Borisov tha, se tani nuk është momenti për formimin e qeverisë teknike. Ai shtoi, se duke marrë parasysh situatën me koronavirusin “vijnë ditë shumë të vështira”. “Duke shikuar fytyrat e protestave nuk mund t’i përfytyrojë shteti të udhëhiqet nga njerëz të tillë. Do të shembet menjëherë sepse ata e kanë udhëhequr dhe ne tashmë i kemi parë”, tha kryeministri.