Ditën e 40 të protestave antiqeveritare protestuesit në kryeqytet në krye me Lëvizjen “BOEC” depërtuan në godinën e Ministrisë së Drejtësisë. Ata ngulin këmbë për takim me ministrin e drejtësisë Danaill Kirillov, transmetuan reporterët e BNR. Ata deklaruan se “nuk dëshirojnë që kushtetuta e re të krijohet nga mafia”. Aksioni që vazhdoi pothuajse një orë ishte nën moton “Bllokadë surprizë - numër një”. Mbeten të bllokuara udhëkryqet e Urës së Shqiponjave, Universitetit të Sofjes dhe sheshit “Pavarësi”. Protestuesit në tendat në Urën e Shqiponjave ishin kategorik se nuk do të pranojnë projekt për kushtetutë të re propozuar nga GERB. Sipas tyre nuk është e mundëshme që njerëzit kundër të cilëve protestojnë “të bëjnë ndryshime në kushtetutë për të betonuar pushtetin e vet”. Protestuesit shpallën që nga sot pakënaqësia e tyre do të kalojë te veprime më radikale me bllokime të reja të udhëkryqeve dhe institucioneve.