Transportues nga rajoni i Goce Dellçevos janë duke protestuar te PKK-ja Kullata-Promahon. Ata janë të pakënaqur për mbylljen e pikëkalimit “Ilinden-Eksohi”, si masë kundër përhapjes së Covid-19. Megjithëse MPJ-ja bullgare njoftoi se “Ilinden-Eksohi” do të hapet për kamionë dhe mauna që nga 7 shtatori, transportuesit nuk janë të sigurt se Athina do ta zbatojë premtimin e vet. Ata deklaruan para BNR-së se janë gati për protesta civile.

Protestuesit kundër qeverisë dhe Kryepkurorit bllokuan edhe rajonin e pikëkalimit Ura e Danubit-Ruse. Lëvizja është e vështirësuar, ndërsa kalimi i kamionëve nga Rumania është bllokuar që nga mëngjesi. Aksioni do të vazhdojë deri në orën 20.00, njoftuan organizatorët.

Turistë dhe vendas nga rajoni i Sinemorecit, Bullgari Juglindore, të pakënaqur nga pushteti dhe betonimi i bregdetit bullgar, bllokuan urën mbi lumin Veleka që derdhet në Detin e Zi, transmetuan reporterët e BNR-së.