SHBA-ja mbajnë pozitën e tyre kundër ndërtimit të zgjatjes së “Rrymës Turke” në Bullgari dhe të Centralit Atomik Elektrik “Belene”. Këtë e tha Fransis Fanën ndihmës sekretar i shtetit në Zyrën e Resurseve Energjetike pranë Departamentit të Shtetit të ShBA-së pas një takimi me ministren bullgare të energjetikës Temenuzhka Petkova. Sipas Fanënit cituar nga sajti “Mediapull” këto projekte nuk sigurojnë diversifikim energjetik të Bullgarisë. Përveç kësaj pajisjet ruse për centralin e dytë atomik janë të vjetërsuara.

Në të njëjtën kohë Uashingtoni inkurajon ndërtimin e lidhjes së gazit midis Bullgarisë dhe Greqisë dhe mendon se alternativë e Centralit “Belene” mund të jenë reaktorë të vegjël modularë.

Fanëni dha të kuptohet se sanksionet amerikane kundër “Rrymës Turke” do të prekin zgjatjen e gazsjellësi rus përmes Bullgarisë.

Kjo që qeveria bullgare e quan “Rrymë Ballkanike” dhe thekson se është pjesë e infrastrukturës bullgare të gazit nuk ndryshon thelbin e projektit, shtoi Fanëni.