437 mijë bullgarë të varfër do të marrin paketa me ushqime të nevojës së parë. Financimi është i Fondit për Ndihmë Evropiane. Produktet ushqimore do t’u dërgohen nevojtarëve që nga kjo javë me ndihmën e Kryqit të Kuq Bullgar. Janë parashikuar 6 500 tonë ushqime me vlerë 15.7 mln leva /rreth 7.85 mln euro/.

Familjet prej një ose dy anëtarësh do të marrin nga një paket me ushqime, ndërsa ato prej tre, ose më shumë anëtarësh – dy paketa. Produktet do të jepen kundrejt prezantimit të kartës së identitetit në 309 pika në mbarë vendin, kurse iniciativa do të vazhdojë deri më 30 nëntor. Listat me emrat e njerëzve që do të ndihmohen përgatitet nga Agjencia për Ndihmë Sociale.

Pesha e një pakoje ushqimore është afro 23 kg dhe përfshin konserva prej mishi dhe perimesh, miell, oriz, spaghetti, salcë prej domatesh, sheqer, ose vaj ulliri.