Organizata Ndërkombëtare për Mbrojtjen e Kafshëve “Katër Putra” hapi një peticion në internet, me të cilin i bën thirrje Komisionit Evropian të ushtrojë presion mbi autoritetet bullgare për shkak të kushteve të këqija në zooparqet dhe mosrespektimit të kërkesave për licencimin e tyre. Shkaku konkret është skandali me dy luanët e vegjël - Kosara dhe Simba, të lindur prej një vëllai dhe motre në parkun zoologjik në qytetin Bllagoevgrad. Luanët e vegjël janë në një gjendje mjaft të rëndë dhe janë të strehuar përkohësisht në parkun zoologjik në qytetin Varna.

Nga 19 parqet e licencuara zoologjike në Bullgari, pjesa më e madhe nga të cilat janë bashkiake, vetëm 2 u përgjigjen standardeve ndërkombëtare, pohojnë nga “Katër putrat”, njoftoi korrespondentja jonë në qytetin Bllagoevgrad Keti Trençeva.