Prej disa ditëve kryeqytetasit po vënë re një mjet transporti mjaft kureshtar - bëhet fjalë për një model të zakonshëm të vjetër të një tramvaji i cili lëviz nëpër vijën e numrit 11, por i mbuluar me piktura të ...fytyrave njerëzore. “Art tramvaji” është i pikturuar nga piktori i rrugës Aleksi Ivanov me idenë të provokojë imagjinatën e njerëzve. Artisti i grafiteve vetë i ka financuar materialet.

“E quajta 100 fytyra”, që është një farë loje me fjalën kryeqytet. Me të vërtetë pikturova mbi 100 fytyra mbi tramvaj - të njerëzve  me ngjyrë të ndryshme të lëkurës, të muzikantëve, të njerëzve me të meta, të dentistëve, bojaxhinjve. Në përgjithësi të gjithë të cilët pasqyrojnë shoqërinë në të cilën jetojmë,” deklaron Aleksi përpara gazetës “Dnevnik”. Prej 3 vjetëve Aleksi jeton në Sofje dhe punon në një dyqan që të mund të nxjerrë bukën e gojës dhe të mund të blejë bojëra, kurse tramvaji me 100 fytyrat është projekti i tij i parë më serioz.