Kryeministri maqedonas Zoran Zaev është optimist i matur për zgjidhjen e çështjeve të diskutueshme me Bullgarinë. Ai deklaroi, se për Shkupin tani me më shumë rëndësi është të mbrojë interesat e veta, duke evidentuar në të njëjtën kohë edhe interesat e Sofjes. Ai pranoi se ka mundësi që konferenca e parë ndërqeveritare të mos zhvillohet, por kjo nuk është në interes të të dy popujve. Zaev refuzoi t’u japë përgjigje pyetjeve konkrete për të mos ulur shanset për bisedime të suksesshme.

Nuk ka marrëveshje të re me Bullgarinë, por forcim të komunikimit midis të dy vendeve në shumë nivele, njoftoi në Facebook edhe ministri i jashtëm maqedonas Bujar Osmani. Ai e vlerësoi si pozitive vizitën e vet në Bullgari.