Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në Ohër u dhanë dënime të buta rrahësve të Hristijan Pendikov

Hristijan Pendikov
Foto: BGNES

Me 8 muaj burg u dënuan dy shtetasit maqedonas që sulmuan dhe rrahën bullgarin maqedonas Hristijan Pendikov në Ohër. Gjykata e Ohrit hodhi poshtë rrethanën rënduese se motivi i krimit ishte etnik. Shoqata bullgare "Ura e Ballkanit" në Manastir deklaroi se gjyqtari nuk e respektoi ligjin dhe u dha dënime shumë të lehta të pandehurve, transmeton BGNES. “Në çfarë baze, sipas nenit dhe pikës, gjyqtari i nderuar i dënon me 8 muaj, kur shkruhet qartë se dënimi duhet të jetë nga një deri në pesë vjet burg? A dështoi sërish sistemi gjyqësor apo kjo është një shkelje e qëllimshme e ligjit? A është e drejtë të shpallet një dënim nën minimumin kur Pendikovi ka pësuar lëndime aq të rënda trupore gjatë rrahjes, saqë mund ta çonin në vdekje?”, thuhet në pozitë.

Lidhur me rastin një deklaratë bëri edhe Shoqata Bullgare “Ivan Mihakllov” në Manastir, e cila u mbyll nga gjykata, transmeton uebfaqja “Tribuna”.

"Ky aktgjykim është edhe një dëshmi e standardit të dyfishtë të drejtësisë maqedonase. Ndërsa klubet kulturore bullgare po mbyllen me masa represive dhe po fabrikohen ankesa politike kundër bullgarëve maqedonas, si në kohërat më të errëta të komunizmit, tani kur ata janë viktima të dhunës për shkak të identitetit të tyre kombëtar, gjykata po tregon butësi të pashpjegueshme ndaj sulmuesve.” Shoqata thekson gjithashtu, se gjykata në vend që të garantojë të drejtat civile, po përdoret si mjet për të shtypur dhe kërcënuar komunitetin bullgar.

Pendikov, i cili ishte sekretar i Shoqatës Bullgare "Mbreti Boris III", e cila u shtyp nga autoritetet maqedonase, u rrah brutalisht më 19 janar 2023 në Ohër, në kulmin e Epifanisë, nga Ilija Spaseski dhe Borçe Angellov.

Më shumë mbi temën mund të lexoni në arkivin e Radio Bullgarisë: 




Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Studentët serbë protestues do të përshkojnë me biçikletë 1300 km deri në Strasburg Një grup prej 80 studentësh dhe persona të tjerë nga katër universitetet në Serbi - në Novi Sad, Beograd, Nish dhe Kragujevac, duke marrë pjesë në protestat e..

botuar më 25-04-05 7.30.PD
Presidenti Radev dhe Mbreti i Jordanisë Abdullah II

Sofja është mikpritëse e "Procesit Akaba" me fokus sigurinë në Ballkan

Presidenti i Bullgarisë Rumen Radev dhe Mbreti i Jordanisë Abdullah II po presin takimin e nivelit të lartë “Procesi Akaba” me fokus Ballkanin, në të cilin marrin pjesë afro 30 delegacione të kryesuara nga krerë shtetesh, përfaqësues të qeverive,..

botuar më 25-04-04 4.29.MD
Rosen Zheljazkov

Qeveria mbetet intolerante ndaj korrupsionit

Qeveria do të mbetet intolerante ndaj çdo forme korrupsioni. Këtë e tha kryeministri Rosen Zheljazkov nga foltorja parlamentare me rastin e hetimit të Prokurorisë Evropiane për zgjerimin e objektit nëntokësor të depozitimit të gazit..

botuar më 25-04-04 11.14.PD