Pengesa gjuhësore dhe mungesa e informacionit mbi të drejtat e punës dhe të sigurimeve shoqërore në një gjuhë tjetër përveç bullgarishtes janë ndër problemet kryesore në punësimin e punëtorëve në Bullgari nga vendet jashtë BE-së. Këtë e tregon një sondazh i Institutit për Analiza Sociale dhe Sindikale pranë Konfederatës së Sindikatave të Pavarura në Bullgari mbi qasjen në tregun e punës për shtetasit e vendeve të treta.

Për shkak të pamundësisë për të komunikuar lirshëm me njëri-tjetrin, kandidatët për punë nga vendet jashtë BE-së dhe punëdhënësit shpesh përdorin një përkthyes ose një gjuhë të përbashkët - më shpesh rusishesh ose anglishten.

Më shumë se gjysma e të anketuarve që punojnë aktualisht në Bullgari tërhiqen nga paga më e lartë këtu krahasuar me vendin nga ku vijnë. Arsyeja më e zakonshme që punëtorët e huaj të largohen nga vendi ynë është përsëri paga më e lartë - në vendet e tjera të BE-së krahasuar me atë që ofrohet në vendin tonë.