Që nga 1 janari i këtij viti, Holdingu Rus “Gazprom” filloi të furnizojë Serbinë dhe Bosnjë dhe Hercegovinën me gaz natyror përmes Turqisë dhe Bullgarisë. Kjo theksohet në një deklaratë të kompanisë ruse, cituar nga agjencia TASS.

Nga Rusia, gazi transportohet përmes tubacionit të gazit në “Gazsjellësin Turk”, duke kaluar përmes territorit të Turqisë dhe përmes sistemit të transportimit të gazit të Bullgarisë, nga ku arrin në Serbi. Furnizimet në këtë rrugë u bënë të mundshme falë zgjerimit dhe futjes së kapaciteteve të reja të transportimit të gazit nga “Bulgartransgaz” në territorin e Bullgarisë dhe nga “Gastrans d. o. o. Novi Sad” në territorin e Serbisë.