Organizata joqeveritare “Fondi kundër korrupsionit” do të studiojë ndikimin e votës së kontrolluar dhe të blerë në zgjedhjet politike në Bullgari. Rezultatet e para të studimit do të shpallen disa ditë para zgjedhjeve parlamentare më 4 prill, njoftoi reporterja jonë Sillvija Velikova.

Objekt i studimit do të jenë të gjitha zgjedhjet pas vitit 2013, ndërsa për zgjedhjet e ardhshme do të ketë një raport suplementar pas zhvillimit të tyre.

Analiza është në kuadrin e projektit “Legjitimiteti i shkelur: vota e kontrolluar dhe e blerë në Bullgari, përmasa dhe ndikimi” dhe është provokuar nga dyshimet se blerja e votave dhe çrregullimet në procesin zgjedhor janë pjesë e të gjitha zgjedhjeve te ne që nga fillimi i ndryshimeve demokratike dhe kjo demotivon një pjesë të madhe të votuesve

“Fondi kundër Korrupsionit” përkrahet nga “Fondacioni Amerika për Bullgarinë”.