Për shkak të reshjeve të mëdha të dëborës dhe erërave të forta, Agjencia e Infrastrukturës Rrugore rekomandon të mos udhëtohet nëse nuk është absolutisht e nevojshme.

Trafiku për të gjitha automjetet përmes Qafës “Shipka” është përkohësisht i kufizuar për shkak të reshjeve të dendura të borës. Qafa Trojan-Kërnare është e mbyllur për trafikun, njoftojnë korrespondentët tanë nga vendi.

Në rajonin e qytetit Bllagoevgrad, Bullgari Jugperëndimore, në disa vende mbulesa e borës është mbi 50 centimetra.

Në qytetin Haskovo të Bullgarisë Qendrore Jugore, reshjet e borës po vazhdojnë për 10 orë. Nuk ka energji elektrike në dy fshatra të rrethit.

Midis 35-40 centimetra është mbulesa e borës në rajonin e qytetit Smoljan të Bullgarisë Jugore. Bora vazhdon të bjerë, temperatura është minus 7 gradë.

Për shkak të avarive të shkaktuara nga dëbora e madhe e lagësht, rreth 250 vendbanime të vogla për momentin janë pa energji elektrike.