Tepër e rëndësishme është që Bullgaria dhe Maqedonia e Veriut të flasin në një gjuhë normale dhe të shkëmbejnë mendime, sepse në muajt e fundit marrëdhëniet midis dy vendeve u tensionuan dhe filloi të formohet imazhi i armikut nga të dy palët. Këtë e tha për BNR Dimitar Beçev, drejtor i Institutit për Politikat Evropiane lidhur me diskutimin e sotëm ndërkombëtar në internet “Identiteti dhe interpretimet. Çfarë është e arritshme në dialogun midis Sofjes dhe Shkupit”.

Sipas Beçevit problemi kryesor është se në fokusin e marrëdhënieve dypalëshe u vunë çështjet e historisë dhe identitetit. “Në se presim që nesër maqedonasit të thonë “Ne jemi bullgarë”, kjo nuk ka sesi të ndodhë. Në se qëllimi është të ketë më shumë dialog, më shumë shkëmbim ekonomik dhe lidhje infrastrukturore, kjo është një fushë më të gjerë për veprim”, theksoi Beçevi.